نشرت صفحة إذاعة «نجوم إف إم» على «فيس بوك» صورة للفنانة لقاء الخميسي
تجمعها بالمذيعين بالمحطة مروان قدري ويارا الجندي، أثناء استضافتها في
برنامج «عيش صباحك»، على الإذاعة.
وكانت «لقاء»، في الصورة، ترتدي
جاكت وبلوزة و«بنطلون» جينز ممزق، في منطقة ركبتيها وما فوق الركبة، بينما
ظهرت بشعر قصير مدرج بين اللونين الأسود والأصفر الفاتح، في الوقت الذي بدت
فيه بدون مكياج كعادة إطلالاتها السابقة.
وأثارت
إطلالة «لقاء»، صباح الخميس، جدلًا على «فيس بوك»، وصاحبتها عدد من
التعليقات الساخرة المنشورة على صفحة «نجوم fm»، وقال حساب يدعى «Mohamed
Pop»: «هو إيه؟ هي الغسالة سفت البنطلون ولا إيه؟»، بينما سخرت «إيناس
سالمان» قائلة: «يا عيني هو بنطلونها اتقطع في الموصلات ولا إيه؟»، وهو ما
اجتمع عليه عدد من الآراء الأخرى قائلة: «يا حرام بنطلونها مقطع، والبنطلون
ده عاوز يروح الرفة، والله إنتي المفروض تروحي مستشفى المجانين، حد يقطع
هدومه كده؟».
وتساءل آخرون: «هو إنتي فقيرة مش عارفة تجيبي بنطلون من
وسط البلد بـ 25 جنيهًا»، وقال آخر: «مين اللي قطعلك البنطلون كده؟»، وقال
الأخير موجهًا حديثه إلى زوجها لاعب الكرة وحارس المرمى، محمد عبد المنصف:
«بقي يا أوسا مش قادر تجيبلها ربع متر قماش كمان تكمل بيه البنطلون؟».
واستكمل
آخرون تعليقات السخرية: «لاحول الله يارب ممثله ومعهاش تلبس ولابسه مقطع،
عايزين نلملها ياجماعة دي تستحق الشفقة والله»، «مين اللي قطع بنطلونها
كده، لا حول ولا قوة إلا بالله»، «ياعيني دي باين عليها غلبانة بنطلونها من
وهي ف الابتدائي من ساعتها ما جبتشي غيره دا حتى داب من كتر الغسيل».
وفي
صورة أخرى ظهرت «لقاء» بدون مكياج، ما جعل البعض يتساءل حول تغير ملامحها
عن تلك التي تظهر بها أثناء وضع المكياج، وقال شخص: «شكلها متغير كده
ليه؟»، وقال آخر: «اللهم لا اعتراض، لاحول ولا قوة إلا بالله»، في حين قال
حساب باسم «محمد مجدي»: «يا عم ده مش عيش صباحك ده خُض صحابك»، وسخر «عبده
بكر»: «هي رايحه الراديو بس متعرفش إن الراديو اتغير عن زمان، بقى بيتشاف
دلوقتي».
وسخرت
«أسماء محمد» قائلة: «المكياج بيداري»، وهو ما اتفق معها «محمد سلطان»،
قائلًا: «المكياج بيعمل شغل برده»، وتساءل «محمد إبراهيم» قائلًا: «ده
(الخميسي) فين (لقاء)؟»، وبابتسامة إلكترونية حزينة علقت «شيما عبدالمنعم»
على الصورة قائلة: «وأنا اللي كنت فاكراكي أمورة؟».
