طالب شريف عبد الفضيل، نجم النادي الأهلي السابق، مجلس إدارة نادي الزمالك، برئاسة حسين لبيب، بتوفير فرصة لعمل للاعب القلعة البيضاء الأسبق حسام عبد المنعم، بعدما اشتكى «الأخير» من عدم العمل خلال الفترة الحالية، واستمرار جلوسه في منزله.
وكتب شريف عبد الفضيل، نجم الأهلي السابق، عبر صفحته الشخصية على منصة التواصل الاجتماعي «فيسبوك»: «أتمنى من المسؤلين داخل نادي الزمالك، واللاعبين القدماء، مراعاة جميع اللاعبين السابقين، الذين لعبوا لنادي الزمالك الكبير العريق، وإيجاد عمل سريع للكابتن حسام عبد المنعم، لاعب الزمالك السابق».
نجم الزمالك السابق ينفجر غضبا: معنديش حاجة تانية أشتغلها غير الكورة
ووجه حسام عبدالمنعم، مدافع الزمالك ومنتخب مصر السابق، رسائل خاصة إلى مسؤولي النادي الأبيض، برئاسة حسين لبيب، من أجل العمل في النادي.
وقال حسام عبدالمنعم: «الوضع في الكرة المصرية ميساعدش على الشغل، والشغل في مصر محتاج علاقات ومصالح، والحاجات دي مش بتاعتنا ولا تربيتنا ولا أخلاقنا، إن احنا نتعامل بالأسلوب ده إني أعرض نفسي على الأندية».
وأكد اللاعب السابق: «أنا معنديش حاجة تانية اشتغلها غير الكورة، بس للأسف مش لاقي فرصة اشتغل في أي ناد»، مشددا على أنه «يجب على رئيس قطاع الناشئين في نادي الزمالك، إنه يشوف أبناء النادي اللي مش بيشتغلوا ويجبهم يشتغلوا في القطاع».
وتابع حسام عبد المنعم: «عيب إني أروح أشتغل في قطاع الناشئين في أي نادي تاني، هتتحسب عليا وده اللي أنا حريص عليه، مروحش أي مكان تاني يقولي بيتك أولى، ما بيتي مجبنيش أشتغل».
حسام عبد المنعم: بتسول على الناس عشان يشغلوني
وأوضح «عبد المنعم»: «مفروض نادي الزمالك يفرض عليا أجي أشتغل، أنا ابن من أبناء النادي، أنا اللي بدور على شغل، أنا بتسول على الناس عشان يشغلوني».
ولفت إلى أن «آخر نادي دربته نادي شربين، وسبته في شهر 11 اللي فات، ومن ساعتها وأنا قاعد في البيت مع أولادي ومراتي، أنا زعلان جدا ومقهور جدا إني مش عارف اشتغل، ببعت لناس عشان اشتغل، ومحدش بيرد واللي بيرد يقولي أنت جيت متأخر، أنا بعرض نفسي على أندية للعمل في قطاع الناشئين غير الزمالك، أنا زعلان جدا جدا، ولو هي ماشية بالعلاقات أنا مش هشتغل كورة في مصر تاني».