دافع حازم إمام نجم الزمالك ومنتخب مصر السابق عن لاعبي الفريق الكروي الأول بالنادي الأهلي في ظل الهجوم القوي الذي يتعرضون له من بعض الجماهير والانتقادات القوية عبر وسائل التواصل الاجتماعي المختلفة.
وقال حازم إمام في تصريحات إذاعية: «الناس اللي بتنتقد في لاعبي الأهلي من حقك تنتقد بس ما تنساش إن اللاعبية دي كسبانة كل حاجة بقالها سنتين، ومفيش حد بيكسب علطلول أنا بشوف لما حد يخسر وهو بيكسب علطول المفروض تدعمه مش تنتقده».
اقرأ أيضًا: «مكنش عندنا أمل نكسب الأهلي».. حازم إمام يدافع عن احتفالات الزمالك بالسوبر
وأوضح حازم إمام: «لكن أنا شفت كمية انتقاد للاعبين مش طبيعية وبعضها فيه تجاوز وكأنهم بقالهم سينين بيخسروا يا جماعة الضغط غير طبيعي ده بني آدم في النهاية وشباب صغير 20 أو 25 سنة، طيب لاعيب الأهلي ده أكيد لسان حاله بيقول يا جماعة أنا كسبت كل حاجة ورحت كاس العالم للاندية انا بتهاجم ليه كده بالشكل ده».
وأضاف حازم إمام: «هييجي البعض من الجمهور يقول لك أنا مش متعود على الخسارة تمام، بس لازم نتقبل الخسارة دي رياضة فيها مكسب وهزيمة، أكيد لما تكون الخسارة كبيرة جدا اه لازم تتكلم ده مانشستر سيتي كسب كل حاجة السنة اللي فاتت وخسر من يونايتد 2-0 عادي جدا يعني».
وتابع حازم إمام: «أنا حطيت نفسي مكان اللاعيبة يا جماعة أنا كسبت كل حاجة السنة اللي فاتت فجأة بقيت مينفعش ألعب في الأهلي، والسوشيال ميديا فيها تقليل من اللاعيبة وقيمتهم وقلة القيمة دي ممكن تخلي الواحد مينمش».
واختتم نجم الزمالك السابق: «الكرة يا جماعة لازم تتقبلوا فكرة المكسب والخسارة آه واضح الأهلي اللاعيبة مكانتش مركزة والزمالك كان عنده إصرار أكبر بس الكورة فيها كده وكده».