وقال أسامة حسني، في تصريحات تلفزيونية عبر قناة «الأهلي»: «في أزمات بتواجه الدوري المصري، أهم قضية في الموسم السابق يوم 17 يونيو جوميز، مدرب الزمالك، دفع الحكم الرابع عاطف حسين، خلال مباراة الزمالك والمصري، وقتها لجنة المسابقات كان من المفترض أن توقع عقوبة على مدرب الزمالك حسب اللائحة».
وأضاف: «لجنة المسابقات أحالت الموضوع إلى لجنة الانضباط عشان الموضوع محتاج عقوبة أكبر من المقرر لها في اللائحة، بعد 4 شهور حتى الأن لم يتم إيقاف مدرب الزمالك! بعد 4 شهور تم استدعاء جوميز، مرتين ولم يذهب للجنة الانضبط، فين العقوبات لحد دلوقتي! الأهلي وحسين الشحات الناس كلها بتتحرك، فين العقوبات على جوميز، واحنا دلوقتي في الموسم الجديد».
وتابع: «هو احنا هنقعد نطبطب وندلع في نادي الزمالك، يعني إمبارح التحكيم والاحتواء اللي احنا شوفناه بشكل كبير في مباراة البنك الأهلي.. الزمالك بقاله 23 سنة مش بياخد بطولة دوري أبطال أفريقيا، عشان لما بيشارك في البطولة بتاريخه الكبير بيلاقي تحكيم منختلف تمامًا عن اللي بيشوفه في الدوري المصري عن محمد عادل وإبراهيم نور الدين والطبطبة والدلع اللي بيشوفه».
وأتم: «الزمالك بره بيشوف تحكيم مش بيشوف أي نادي غير اللي بييشوفه في الملعب، إنما هنا طبطة ودلع وشوية احتواء وشوية مجاملات لازم نقف امام الكلام ده».